Saturday, June 2, 2012

తత్వ దర్శనములు (Tatva Darshanas)

సృష్టికి కారణమైన వాడు, సర్వశక్తిమంతుడు, సర్వజ్ఞుడు అయిన పరమాత్మ ఉన్నాడని నమ్మే వారిని , వేదాలను ప్రమాణంగా అంగీకరించే వారిని 'ఆస్తికులు' అంటారు. వేద ప్రమాణాన్ని అంగీకరించక , దైవాన్ని నమ్మని వారిని 'నాస్తికులు' అనీ అంటారు. నాస్తికులు మానవాతీతమైనదేదీ లేదనీ, సృష్టి కేవలం స్త్రీ పురుష సంపర్కం వల్ల జరుగుతోందని చెబుతారు . ఆస్తికులూ, నాస్తికులూ వారి అభిప్రాయాలను లేక వారు గ్రహించిన సత్యాలను దర్శనాల రూపంలో పొందుపరచారు. తదనుగుణంగా ఆస్తిక దర్శనాలనీ, నాస్తిక దర్శనాలనీ ప్రాచుర్యంలోకి వచ్చాయి.

 ఆస్తిక దర్శనాలు :   పట్టిక
                      దర్శనాలు                                                 మూలపురుషులు         
     
సాంఖ్య దర్శనం              దీనికి ప్రధమ ఆచార్యుడు            కపిల ముని.
యోగ దర్శనం                 దీని  ఆచార్యుడు                    పతంజలి .
న్యాయ దర్శనం                        "                              గౌతమ ముని.
వైశేషిక దర్శనం                        "                              కణాద మహర్షి.  
పూర్వ మీమాంసా దర్శనం           "                               జైమిని.
ఉత్తర మీమాంసా దర్శనం            "                               బాదరాయణుడు.

ఈ ఋషీశ్వరు లంతా వారు దర్శించిన సత్యాలను వేరు వేరుగా చెప్పినా వారంతా ఒకే సత్యాన్ని గమ్యంగా చెప్పిన వారే. ఏ విధమైన సంశయము లేకుండా ఎవరి అభిరుచిని బట్టి వారు తమ మార్గాన్ని ఎన్నుకొని, సాధనల ద్వారా ప్రయత్నిస్తే;  వీటిలో ఏ మార్గాన్ని ఎంచుకున్నా, గమ్యమైన పరమాత్మను చేరుకోవచ్చు. ఇవన్నీ వేద సమ్మతాలే.

వీటిలో విషయ సారూప్యతను బట్టి మూడు సముదాయాలుగా చేర్చ బడ్డాయి. సాంఖ్య యోగ దర్శనాలను కలిపి - సాంఖ్య శాస్త్రంగాను , న్యాయ వైశేషిక దర్శనాలను కలిపి తర్కశాస్త్రంగాను , పూర్వ ఉత్తర మీమాంసా దర్శనాలను కలిపి   మీమాంసా శాస్త్రంగాను పరిగణిస్తున్నారు.

నాస్తిక దర్శనాలు   
లోకాయతిక దర్శనం      దీనికి మూల పురుషుడు       చార్వాకుడు.             
జైన దర్శనం                దీని వ్యవస్థాపకుడు                రిషభ దేవుడు .
బౌద్ధ దర్శనం                దీనికి మూల పురుషుడు       గౌతమ బుద్ధుడు.

ప్రతీ దర్శనాచార్యుడూ తను బోధించిన సత్యాన్ని తెలిసికోడానికి తగిన సాధనా మార్గాన్ని కూడ నిర్దేశించడం జరిగింది. ఆస్తిక దర్శనాలు ఎంత సత్యమో ; నాస్తిక దర్శనాలు కూడ అంతే సత్యం.

No comments:

Post a Comment