చార్వాక దర్శనం
ముందుగా మనం నాస్తికదర్శనాలను గురించి తెలుసుకుందాం.
లోకాయతికులు / చార్వాకులు, వేదప్రమాణాన్నిగాని, దైవాన్నిగాని అంగీకరించరు. అంచేత వీరిని నాస్తికులని అంటారు. ధర్మాధర్మాలను , పాపపుణ్యాలను, స్వర్గనరకాలను , ఆత్మనూ అంగీకరించరు. వీరు కేవలం భౌతికవాదులు.
ప్రత్యక్ష ప్రమాణాన్నిమాత్రమే అంగీకరిస్తారు. కంటికి ఎదురుగా ఉండే వస్తువును, ఎలా మనం ప్రత్యక్షంగా తెలుసుకుంటామో, అట్టి ఇంద్రియజ్ఞానాన్ని ప్రత్యక్షప్రమాణంగా భావిస్తారు. దీన్ని ఆధారంగా చేసుకొని, ఆకాశాన్ని ప్రత్యక్షంగా గ్రహించలేని కారణంగా, ఆకాశాన్ని అంగీకరించరు. అలా అగ్ని, నీరు, వాయువు, పృథ్వి అనే నాల్గు మహాభూతాల నుండే, మనకు కన్పించే జగత్తు ఏర్పడుతోందని చెబుతారు. ఈ భూతచతుష్టయంయొక్క విశిష్ట కలయికవల్ల శరీరము, అందలి చైతన్యము పుడుతోందని అంటారు. చైతన్యం శరీరధర్మమనీ ; ఆకు వక్క సున్నము కలిపితే తాంబూలంలో ఎరుపురంగు ఏర్పడినవిధంగా, ఈచైతన్యం ఏర్పడుతుందంటారు.
జీవులన్నీ సర్వస్వతంత్ర మైనవని , వాటిని నియంత్రించే వాడెవరో ఉన్నాడని, అతని అనుగ్రహానికి కర్మలు ఆచరించటం మూర్ఖత్వం అని నమ్ముతారు. శరీరమే అన్నీనంటూ , మరణించిన తర్వాత కర్మల ఫలాలను అనుభవించే ఆత్మలేదు కాబట్టి, చైతన్యంకూడ మరణంతో శిధిలం అవుతుందని అంటారు. పునర్జన్మ లేదనీ, వేరే స్వర్గనరకాలు కూడ లేవనీ ; ఇక్కడ శరీరంతో అనుభవించే సుఖదుఃఖాలే, స్వర్గనరకాలుగా భావిస్తారు. మరణానంతరం శరీరానికి కలిగే బంధవిముక్తే మోక్షంగా పరిగణిస్తారు.
దేహం ఉన్నంత వరకూ, ఏదోవిధంగా భోగభాగ్యాలు సంపాదించి ఆనందించడమే పరమావధి తప్ప అంతకుమించి ఏదీలేదని నమ్ముతారు. ఇలాంటి ఇంపైన మాటలు చెప్పేవారు అవడంవల్ల వీరిని 'చారు వాక్కులు' అంటారు. అదే చార్వాకులుగా రూపుదిద్దుకుందని కొందరి అభిప్రాయం. మనకు కన్పించే ఈలోకం ఒక్కటే ఆయతనం (అంటే నివాస స్థానం) అందువల్ల వీరు లోకాయతులు అని పిలువబడు చున్నారు.
ముందుగా మనం నాస్తికదర్శనాలను గురించి తెలుసుకుందాం.
లోకాయతికులు / చార్వాకులు, వేదప్రమాణాన్నిగాని, దైవాన్నిగాని అంగీకరించరు. అంచేత వీరిని నాస్తికులని అంటారు. ధర్మాధర్మాలను , పాపపుణ్యాలను, స్వర్గనరకాలను , ఆత్మనూ అంగీకరించరు. వీరు కేవలం భౌతికవాదులు.
ప్రత్యక్ష ప్రమాణాన్నిమాత్రమే అంగీకరిస్తారు. కంటికి ఎదురుగా ఉండే వస్తువును, ఎలా మనం ప్రత్యక్షంగా తెలుసుకుంటామో, అట్టి ఇంద్రియజ్ఞానాన్ని ప్రత్యక్షప్రమాణంగా భావిస్తారు. దీన్ని ఆధారంగా చేసుకొని, ఆకాశాన్ని ప్రత్యక్షంగా గ్రహించలేని కారణంగా, ఆకాశాన్ని అంగీకరించరు. అలా అగ్ని, నీరు, వాయువు, పృథ్వి అనే నాల్గు మహాభూతాల నుండే, మనకు కన్పించే జగత్తు ఏర్పడుతోందని చెబుతారు. ఈ భూతచతుష్టయంయొక్క విశిష్ట కలయికవల్ల శరీరము, అందలి చైతన్యము పుడుతోందని అంటారు. చైతన్యం శరీరధర్మమనీ ; ఆకు వక్క సున్నము కలిపితే తాంబూలంలో ఎరుపురంగు ఏర్పడినవిధంగా, ఈచైతన్యం ఏర్పడుతుందంటారు.
జీవులన్నీ సర్వస్వతంత్ర మైనవని , వాటిని నియంత్రించే వాడెవరో ఉన్నాడని, అతని అనుగ్రహానికి కర్మలు ఆచరించటం మూర్ఖత్వం అని నమ్ముతారు. శరీరమే అన్నీనంటూ , మరణించిన తర్వాత కర్మల ఫలాలను అనుభవించే ఆత్మలేదు కాబట్టి, చైతన్యంకూడ మరణంతో శిధిలం అవుతుందని అంటారు. పునర్జన్మ లేదనీ, వేరే స్వర్గనరకాలు కూడ లేవనీ ; ఇక్కడ శరీరంతో అనుభవించే సుఖదుఃఖాలే, స్వర్గనరకాలుగా భావిస్తారు. మరణానంతరం శరీరానికి కలిగే బంధవిముక్తే మోక్షంగా పరిగణిస్తారు.
దేహం ఉన్నంత వరకూ, ఏదోవిధంగా భోగభాగ్యాలు సంపాదించి ఆనందించడమే పరమావధి తప్ప అంతకుమించి ఏదీలేదని నమ్ముతారు. ఇలాంటి ఇంపైన మాటలు చెప్పేవారు అవడంవల్ల వీరిని 'చారు వాక్కులు' అంటారు. అదే చార్వాకులుగా రూపుదిద్దుకుందని కొందరి అభిప్రాయం. మనకు కన్పించే ఈలోకం ఒక్కటే ఆయతనం (అంటే నివాస స్థానం) అందువల్ల వీరు లోకాయతులు అని పిలువబడు చున్నారు.
No comments:
Post a Comment